- Lyrics
- Album list
- Singer Intro
拍謝少年
-
踅神夢
Lyricist:維尼/薑薑/宗翰 Composer:維尼/薑薑/宗翰
坐早起七點的區間車 我𤆬你來去海岸 聽你講最近的生活 無啥物無仝 一天閣過一天 你敢會孤單?
你的眼神藏著彼場踅神夢 你敢會孤單? 鐵支路邊的日頭 照甲光映映
浮浮沈沈的人生 像電影搬袂煞 一冬夢過一冬 我看見 ~ 點點滴滴的記持 是甜蜜抑是痛苦的味 攏流對大海去
蹛佇大海邊仔 的阮 從來著毋是 一個人 蹛佇大海邊仔 的咱 早著已經慣勢 共悲傷藏起來
你的眼神藏著彼場踅神夢 你敢會孤單? 你敢會孤單 啊 ~ 啊
你的眼神藏著彼場踅神夢 你敢會孤單? 你敢會孤單 啊 ~ 啊
坐早起七點的區間車 你敢會孤單? 你的眼神藏著彼場踅神夢 你敢會孤單?
------------------------------------------
23901/《踅神夢》Se̍h-sîn Bāng 拍謝少年(歹勢少年樂團Pháinn-sè Siàu-liân Ga̍k-thuân)
坐早起七點的區間車 tsē tsái-khí tshit-tiám ê khu-kan-tshia 我𤆬你來去海岸 guá tshuā lí lâi-khì hái-huānn 聽你講最近的生活 thiann lí kóng tsuè-kīn ê sing-ua̍h 無啥物無仝 bô-siánn-mih bô-kāng 一工閣過一工 tsi̍t-kang koh kuè tsi̍t-kang
你敢會孤單 lí kám ē koo-tuann 你的眼神 lí ê gán-sîn 藏著彼場踅神夢 tshàng tio̍h hit tiûnn se̍h-sîn bāng 你敢會孤單 lí kám ē koo-tuann 鐵枝路邊 Find more lyrics at ※ Mojim.com thih-ki-lōo pinn 日頭照甲光映映 ji̍t-thâu tsiò kah kng iànn-iànn
浮浮沉沉的人生 phû-phû-tîm-tîm ê jîn-sing 像電影搬袂煞 tshiūnn tiān-iánn puann buē-suah 一冬夢過一冬 tsi̍t-tang bāng kuè tsi̍t-tang
我看見 guá khuànn-kìnn 點點滴滴的記持 tiám-tiám-tih-tih ê kì-tî 是甜蜜 sī tinn-bi̍t 抑是痛苦的味 ia̍h-sī thòng-khóo ê bī 攏流對大海去 lóng lâu tuì tuā-hái khì
蹛佇大海邊仔的阮 tuà tī tuā-hái pinn--á ê gún 從來就毋是一个人 tsiông-lâi tiō m̄-sī tsi̍t-ê-lâng 蹛佇大海邊仔的咱 tuà tī tuā-hái pinn--á ê lán 早就已經慣勢 tsá tiō í-king kuàn-sì 共悲傷藏起來 kā pi-siong tshàng--khí-lâi
你的眼神 lí ê gán-sîn 藏著彼場踅神夢 tshàng tio̍h hit tiûnn se̍h-sîn bāng 你敢會孤單 lí kám ē koo-tuann 你的眼神 lí ê gán-sîn 藏著彼場踅神夢 tshàng tio̍h hit tiûnn se̍h-sîn bāng 你敢會孤單 lí kám ē koo-tuann
坐早起七點的區間車 tsē tsái-khí tshit-tiám ê khu-kan-tshia 你敢會孤單 lí kám ē koo-tuann 你的眼神 lí ê gán-sîn 藏著彼場踅神夢 tshàng tio̍h hit tiûnn se̍h-sîn bāng 你敢會孤單 lí kám ē koo-tuann
- Special thanks to W.B. Chen for correcting the lyric.
- Related Links: W.B. Chen
|