- Lyrics
- Album list
尤美
-
給天下無情的男性
Lyricist:謝麗燕 Composer:石本美由紀
[口白] 啊!你的情,你的愛,只不過是底累騙出丟阮的身軀; 當你達到了目的,你!你就絕情絕義椎你去。 啊!酒,酒一杯來啦!
無論你怎樣英俊,怎樣對阮的溫順, 也已經動不了我擱再對你的真情。
因為你是一個採花蜂,世間的女性給你來欺騙; 我也是其中一個,永遠怨恨你。
[口白] 啊!酒,酒擱再一杯來啦!
無論你怎樣辯解,花言巧語無路用, 我已經決定了丟甲你一切無關係。
可憐阮心被你騙,你這款男性乎阮來懼怕; 不願你殘忍心腸,永遠怨恨你。
無論我怎樣啼哭,請你唔免來安慰, 我已經看破了丟惦在世間抹趣味。
可恨你是一個無情郎,過去的記憶親像是暝夢; 枉費我對你純情,永遠怨恨你。
--------------------------------------------------
《予天下無情的男性》Hōo Thian-hā Bô-tsing ê Lâm-sìng 尤美 Iû Bí
↓-----(口白)-----↓ 啊!你的情 ah! lí ê tsîng 你的愛 lí ê ài 只不過是佇咧 tsí-put-kò sī tī-leh 騙取阮的身軀 phiàn-tshú gún ê sin-khu 當等你達著目的 tng-tán lí ta̍t-tio̍h bo̍k-ti̍k 你!你就絕情絕義 lí! lí tsiū tsua̍t-tsîng tsua̍t-gī 做你去 tsuè lí khì 啊!酒 ah! tsiú 酒一杯來啦! tsiú tsi̍t-pue lâi--lah! ↑-----(口白)-----↑
無論你怎樣英俊 bô-lūn lí tsuánn-iūnn ing-tsùn 怎樣對阮的溫馴 tsuánn-iūnn tuì gún ê un-sûn 也已經動不了 iā í-king tōng put-liáu 我閣再對你的真情 guá koh-tsài tuì lí ê tsin-tsîng 因為你是一个採花蜂 in-uī lí sī tsi̍t-ê tshái-hue-phang
世間的女性 sè-kan ê lú-sìng 予你來欺騙 hōo-lí lâi khi-phiàn 我也是其中一个 guá iā-sī kî-tiong tsi̍t-ê 永遠怨恨你 íng-uán uàn-hūn lí
↓-----(口白)-----↓ 啊!酒 ah! tsiú 酒閣再一杯來啦! tsiú koh-tsài tsi̍t-pue lâi--lah! ↑-----(口白)-----↑
無論你怎樣辯解 bô-lūn lí tsuánn-iūnn piān-kái 花言巧語無路用 hua-giân khá-gí bô-lōo-iōng 我已經決定了 guá í-king kuat-tīng liáu 就佮你一切無關係 tiō kah lí it-tshè bô kuan-hē
可憐阮處女心被你騙 khó-liân gún tshù-lú sim pī lí phiàn 你這款男性 lí tsit khuán lâm-sìng 予阮來懼怕 hōo gún lâi kū-phà 毋願你殘忍心腸 m̄-guān lí tsân-jím sim-tn̂g 永遠怨恨你 íng-uán uàn-hūn lí
無論我怎樣啼哭 bô-lūn guá tsuánn-iūnn thî-khàu 請你毋免來安慰 tshiánn lí m̄-bián lâi an-uì 我已經看破了 guá í-king khuànn-phuà liáu 就踮在世間無趣味 tiō tiàm-tsāi sè-kan bô tshù-bī
可恨你是一个薄情郎 khó hūn lí sī tsi̍t-ê po̍k-tsîng-lông 過去的記持 kè-khì ê kì-tî 親像是眠夢 tshin-tshiūnn sī bîn-bāng 枉費我對你純情 óng-huì guá tuì lí sûn-tsîng 永遠怨恨你 íng-uán uàn-hūn lí
- Special thanks to W.B. Chen for correcting the lyric.
- Related Links: W.B. Chen
|